Pasi që për transaksion janë shpenzuar 17.5 milionë funte, rreth 22 milionë euro, automjeti i vjetër i Ferrarit 250 GTO është bërë edhe automjeti i paguar më së shtrenjti në botë.
Ferrari ka prodhuar modelin 250 GTO vetëm në 39 njësi në periudhën prej vitit 1962 deri në 1964. Automjeti është punuar për nevoja të garimit në kampionatin GT të FIA-s.

Pronari i automjetit më të shtrenjtë në botë është blerësi anglez i cili e ka shfrytëzuar të drejtën e tij të ankandit për fshehtësi dhe ka vendosur të mbetet - anonim.

Çmimi i ri rekord prej 22 milionë eurosh për një automjet e ka kaluar për dy herë çmimin rekord për një Ferrari. Në fakt, rekorderi i deritashëm Ferrari California Spyder në muajin maj të këtij viti është shitur për ‘vetëm’ 6.8 milionë euro.